Ourense 28 de xuño 2010


A Comisión de Traballo de Infraestruturas da Federación Limiar quere informar que maña martes 29 de xuño as 11:00 h da mañá temos prevista a visita a A.VV. Santa Ana do Pino a petición do seu Presidente, ante a cantidade de problemas existentes no barrio sen solucionar a pesar de solicitalos xa en varias ocasións.

As demandas de dita asociación pódense resumir no seguinte:

•    Falta de limpeza nos camiños e pistas.
•    Carencia de saneamento en varias vivendas, falta de auga na rede xeral.
•    Alumeado deficiente con postes de madeira de fai 50 anos.
•    Falta de vixilancia da Policía Local na N-120 o seu paso polo Pino, con carreiras de vehículos, non respectan os límites de velocidade, estacionan nas beirarrúas, saídas irregulares a vía pública, trapicheo de estupefacientes, falta de limpeza e toda clase de vandalismos.


Dende esta comisión estamos a traballar no apoio e defensa dos barrios, en especial aquelas obras que levamos tempo reclamando e tan prioritarias  como é o saneamento e seguridade en plena cidade de Ourense.





Asinado: MANUEL CARNERO GÓMEZ
PRESIDENTE DA COMISIÓN DE INFRAESTRUTURAS
“FEDERACIÓN DE AA. VV. DE OURENSE LIMIAR”